امتحان اللغة العربيةدور مايو 2008 لجميع الطوائف المصرية الكادحة

السؤال الاول : التعبير
اكتب ما لا يقل عن 650 سطرا فى احد الموضوعات التاليه :

* لم يجد الطفل غير الشارع ملجأ نظرا لحاله البلد الهباب .... فاتجه الى السرقه والقتل والحشيش .. حتى نال جزاءه وقبض عليه متلبسا بباكتته بانجو ..... اكتب قصته مع تسليم الحرز للباشا مراقب اللجنه .

* شهد بلدنا الحبيب نهضه فى مجال التشييد والبناء ، وخصوصا بعد وصول سعر الحديد الى6500 جنيه للطن ... اكتب ما يمليه عليك ضميرك ، على ان يبدا موضوعك بعباره (انا بشتغل فى حديد عز )

*بعد انتشار ظاهره اكل لحم الكلاب والحمير .... من وجهه نظرك تكلم عن هذه الظاهره ، ومن المتسبب فيها (بدون غلط الورق متراقب )

السؤال الثانى :القصه :

من قصه " وعهد الله مانت داخل الانتخابات " ....
اقرا القطعه ثم اجب عن الاسئله التاليه :

(ثم اتى اليه وضربه بالجزمه وقال : انت عايز تترشح فى الانتخابات يا معفن ؟؟دا انت عايز معجزه ....مش كفايه بتاكلوا لحمه ومستورين .. عايزين ايه تانى ؟).

* ماهى اللحمه ؟ او على الاقل حدد اقرب معنى خيالى لها ؟؟!

* مرادف " معجزه " فى اللغه ( تغيير وزارى ــ زياده الرواتب ــ رغيف العيش ) اختر يا مقلول البخت .

* حلل بمزيد من التفصيل جمله ( ضربه بالجزمه ) ومدى توافقها مع جمله مصر ( بتتقدم بينا ) .

السؤال الثالث : النصوص :
اجب عن احد النصين الاتيين :

من نص ( ماشربتش من نيلها ) .. اقرأ ثم اجب :

" ماشربتش من نيلها .. جربت تغنى لها .. جربت فى عز ما تحزن تمشى فى شوارعها وتشكى لها "

* بعد رغبه صاحبه النص فى ان تلد ابنتها فى امريكا لتحصل على الجنسية الأمريكية .. اختر :

ما المقصود بنيلها فى النص ( المسيسبى ــ الأمازون ــ يونج يانج ) .

* هذا النص من نصوص الحزب الوطنى ، والدليل وجود اسم مهم من قيا دات الحزب فى النص ، استخرج الاسم .. وبوسه من بقه ورجعه مكانه .

السؤال الرابع : النحو :

* ذهب الرئيس الى المؤتمر .. ضع الجملة السابقه فى صيغه المثنى .. ما عدا الرئيس طبعا .

* كان ممدوح اسماعيل قاتلا .. ضع (ان) بدلا من (كان) .. على الا تنصب ممدوح .. عشان هو بينصب لوحده .

* فرضت الضرائب علينا ببشاعه .. اعرب الجمله .. وارفع الضرائب ابوس ايدك .

منقوله عن جريده (الفقرى اليوم) سورى (المصرى اليوم) بتاريخ 17\5\2008

ولحفظ الحقوق اللى كاتبها اسمه المهندس كريم عبد الله

هههههههههههههههههه
ههههههههههههههههه
وربنااا رائعه جدااااااا

مشكور يا برنس على الموضوع الرائع